صبعبلي على البن **لاتفوتكم

سلامن عليكم
اللهم صلي على محمد وال محمد

كان يامكان في قديم الزمان وخالص الاون والاوان >>>>>> بدت تخرف
تعرفو زمن الاول القديم في حاجة مشهوووورة مرة الا هو وعاد الامس وني منزلة موضوع وانذكرت
هالكلمة من قبل سرور الحلوه صبعبلي
رحنا عاد اني ومحبة ندور من زرنوق الى زرنوق اندور بيت المرة الا تبيع صبعبلي
وعاد عندنا قروش لان داك اليوم كسرنا الحصالة وفغت من لقروش
المهم وحنا ندور وندور شفنا بالصدفة(سرور)قلنا الية وين بيت ام علي الا تبيع صبعبلي طبعا الولد استغل
الفرصة وقال ماادليكم الا ادا عطيتوني كم قرش اشتري ابهم ديك الحزة عطيناة قرش من عندي
وقرش من عند محبة ودلانا البيت

دقينا الباب
ام علي:.تهونو غربلكم الله من في الباب كسرتواليي الباب

حوري اونور :. نمبا صبعبلي

ام علي :. حياكم يابناتي ماعلية تعرفو لصبيان كل شوي لو دقو الباب وانحاشو
شحوال امهاتكم ان شاء الله زينين

نور اوحوري :. زينين

ام علي :.الحين اجيب اليكم صبعبلي

راحت ورجعت

ام علي :.يؤ نسيت ماسئلتكم تبو على لبن والا على بيمتو لو برتكال

نور :.اني امبا واحد على لبن وواحد على بيمتو

حوري :.اني واحد على لبن وواحد على برتكال

ام علي :.يالله جهزو قروشكم واني بروح اجيب اليكم

حوري اونور: قاعدين يحسبو لقروش عشان يعطوها
واستنينا شوي وكل جت وقالت خزا الله بليس نسيت ماقلت اليكم
تبو في قلاصات او في اشياس

حوري اونور:.نمبا في اشياس ونمبا نسوي وياش مقابلة

ام علي :.دهتني مقابلة حق ويش المقابلة وين بتحطوها ليكون انتون من تبع الرقابة

نور :.لاتخافي احنا بنسوي وياش مقابلة وحنا جايين من
(منتديات الاحلام)

ام علي :.أي يعني المجالس ايي يالله عجل دخلوو البيت سمعت امهاتكم يتكلمو عنة
والفريق يقولو زينة هل المنتدى جا عفر ولدي وياكم يقول اسمة حربي ولا ادري عنة كل يوم هياتة
وياا لصبيان يلعبو في هالتيل عفر طلعت عن المقابلة يالله انتون على العين والراس
ادا ماشالتكم الفلاجة تشيلكم عيوني اقصد ادا ماشالكم البيت

المنتدى:. مشكورة ياام علي

نور :. الحين ياام علي صبعبلي الا تبيعية حلو عدل كيف تسوية

ام علي :.والله يابتي ياا اجيب قلاصات او اشياس وحط فيهم لبن او بيمتو او برتكال وحطهم في الفلاجة لين مايجمدوو وبيعهم

حوري:.زين من وين اجيبي اللبن وكيف تسوي البرتكال

ام علي :. اللبن اجيبة من جارتنا ام حسين مرت حجي احمد واخدة من عندها وحطة في الشيالة
وحط فية تشونة ماي وحبيبة ملح عشان يصير حلو وشوية مالح
والبرتكال احط في الشيس او لقلاص شوية فودر وماي وخلية وزية البيمتوو

حوري :.زين من وين اجيبي لعصي الى لقلاصات

ام علي :.ادور اليي سحارة رطب وانقعها في ماي وبعدين اكسر لعصي وحطهم في لقلاصات وحط فيهم اللبن او العصير

نور:.زين وادا مافي قلاصات ويش اسوي

ام علي :.مسكين ولدي ورقة يجيب اليي اشياس من الدكان الا قريب البيت ويجيبهم اليي وني احط فيهم اللبن واربطهم وحطهم في الفريز
وعاد لصبيان والبنات يجو يدقو الباب ويشترو اليهم

حوري او نور :.حلوو الصبعبلي الا اتبيعية

ام علي :.حلوت ايامكم يارب

فجاءة جاء حربي

وحربي :. اماة منهم دولة

ام علي :.دولة جايين يسوو مقابلة ويايي عشان الصبعبلي

حربي :.عجل خليهم يسوو ويايي مقابلة حيف كان انا ولدش يعني اساعدش في الصبعبلي

ام علي :.جب يالله

حربي:.زين زين انا اروح اكمل قعدتي وياا اصدقائي والعب

ام علي :. شفتو ولدي امجنني اجنن

نور اوحوري :. مشكورة ام علي ماقصرتي

ام علي :.عاد انتون بناتي ومقابلتكم حليوة , بس متى بتحطوها في المنتدى ..؟

نور:خلاص احنا حاطينها

حوري :.زين الحين احنا سوينا مقابلة وياش مابتعطينا الصبعبلي هدية

ام علي :.الحين كل هالمقابلة عشان ارجع قروشكم وخلي اليكم هدية

نور:. لالا ماعليش منها دي تمزح فارسة وياش

ام علي :.أي افكر بعد

حوري:.يالله ام علي الحين احنا بروح لان امهاتنا قالو الينا لااطولو

نور :.مع السلامة

ام علي :. الله يسلمكم يابناتي سلمو على امهاتكم وقولو اليهم اليوم بمر عليهم عشان نشرب الينا كم مزة قدو

طلعوو حوري , نور وشافوسرورزقال اليهم اعطوني صبعبلي قالو الية عطيناك قروش
روح اشتري الك قال انا دليتكم البيت وجاء بيسحب من عندهم صبعبلي كل يجي حربي ويتفق اي ميميى تنتيف واثنينهم اشابقوو بس بعدين اصالحوو وصارو يلعبو تيلة والغميضة

ميمي :.ورقوو ويش رايك اجيب اليي صبعبلي من فريز بيتكم

حربي:.اخاف امي تشوفني وتشلخني بالقلم

ميمي:.لالا لاتخاف انت تغبا وكانك بتروح تشرب ماي واسحب من لفريز كم شيس

ميمي:.بروح بس وين قروشك

ميمي :.افا حربي انا صديقك تاخد مني قروش

حربي :.عجل بروح اجيب انا وانت روح دان حجي صالح اشتري الينا ربيان

راح حربي بيتهم وشاف امة قاعدة ويا النسوان ودخل المطبخ وفتح لفريز واخد
قلاصين صبعبلي وطلع كل امة شافتة بس لحق على حالة وانحاش بسرعة

وهذة كانت سالفة الصبعبلي مع ام علي وبعض الشخصيات
حوري
نور الدنيا
ميمي
حربي
ام علي

اتمنى السالفة عجبتكم واستمتعو بقرائتها

عاد اذا عجبتكم باسوي باجيب بعد وحده اوباغير الشخصيات
يالله ننتظر رايكم في الموضوع

ويش رايكم .........؟

يسلمو والصراحة

والى الأمام

يسلمووووووووو
غناااااااااااااااااااااتي
بس
رجااااااااااااااااااء
تقرو
الموضوع
اوتحكمو عليه
انزان
يالله
اتمنى تقرو